Landbúnaðarháskólinn á Hvanneyri er vísindaleg fræðslu- og rannsóknastofnun á háskólastigi á sviði landbúnaðar sem veitir nemendum sínum fræðslu og vísindalega þjálfun í búfræði er miðast við að þeir geti tekið að sér sérfræðistörf fyrir íslenskan landbúnað og unnið að rannsóknum í þágu hans. Landbúnaðarháskólanum á Hvanneyri er heimilt að veita framhalds (masters-og doktorspróf)- og endurmenntun í þeim fræðum sem kennd eru við skólann. Þá skal háskólinn miðla fræðslu til almennings og veita þjóðfélaginu þjónustu í krafti þekkingar sinnar.

           Andbúnað arháskólinn á Hvanneyri var formlega stofnaður með lögum um búnaðarfræðslu nr. 57/1999 sem tóku gildi þann 1. júlí 1999 og yfirtók öll verkefni og skyldur Bændaskólans á Hvanneyri sem starfað hafði í eitt hundrað og tíu ár, stofnaður árið 1889. Árið 1947 var stofnað til háskólakennslu við Bændaskólann og hafði því verið boðið upp á háskólanám á Hvanneyri í rösklega hálfa öld þegar Landbúnaðarháskólinn var formlega stofnaður.

       Landbúnaðarháskólinn á Hvanneyri er vísindaleg fræðslu- og rannsóknastofnun á háskólastigi á sviði landbúnaðar sem veitir nemendum sínum fræðslu og vísindalega þjálfun í búfræði er miðast við að þeir geti tekið að sér sérfræðistörf fyrir íslenskan landbúnað og unnið að rannsóknum í þágu hans. Landbúnaðarháskólanum á Hvanneyri er heimilt að veita framhalds (masters-og doktorspróf)- og endurmenntun í þeim fræðum sem kennd eru við skólann. Þá skal háskólinn miðla fræðslu til almennings og veita þjóðfélaginu þjónustu í krafti þekkingar sinnar.

       Stjórn skólans er falin háskólaráði og rektor. Háskólaráð er æðsti ákvörðunaraðili innan háskólans, markar stefnu, m.a. í kennslu og rannsóknum, mótar skipulag hans og samþykkir starfs- og rekstraráætlanir.

       Landbúnaðarráðherra skipar rektor til fimm ára samkvæmt tilnefningu háskólaráðs. Rektor er yfirmaður stjórnsýslu háskólans og æðsti fulltrúi hans. Hann vinnur að mörkun heildarstefnu í málefnum háskólans og hefur ásamt háskólaráði eftirlit með rekstri hans, kennslu, rannsóknum, þjónustu og annarri starfsemi, allt í samræmi við lög og reglu